Konsulentfirma med ny samarbeidspartner.
Nina Fuglebakk starta med rådgjevingsteneste for næringslivet i 2020. Nyleg har ho inngått samarbeidsavtale med Gagn som leverer tenester innan digitalisering, organisasjon, produksjon/logistikk, prosessoptimalisering og prosjektleiing.
Gjennom 25 år har ho skaffa seg erfaring med leiing, rådgjeving og prosjektleiing med spisskompetanse innan HR, organisasjonsutvikling, leiarutvikling, endringsleiing, partssamarbeid, kontinuerleg forbedring samt analyse og optimalisering av forretningsprosessar. I tillegg har ho forretningskompetanse og inngåande erfaring med organisasjonsendringar og leiarstøtte for store og små organisasjonar.
Nina har tidlegare hatt ulike roller innan leiing og rådgjeving i oljebransjen, konsulentverksemder og flymotorindustrien i Stavanger. Då ho flytta heim til Ørsta i 2012, og var Nina tilsett som HR Manager i Vik Ørsta AS fram til ho starta eiga rådgjevingsverksemd i 2020. Med lang erfaring og nyleg oppdatert fagleg kompetanse, ynskjer ho å bidra til at komplekse problemstillingar vert løyst på ein god og trygg måte.
Vi er også glade for å ha fått Nina Fuglebakk AS som ny medlem i Stiftinga Ørsta Næringskontor.
