Enøk-senteret
Historia starta med Ørsta Enøk-forum som vart etablert som ei stifting der fleire energiselskap var involverte. Tussa var då ein av eigarane som etter kvart tok over. I tidleg fase hadde dei tilhaldsstad i Nupen-bygge i Ørsta. For om lag 6 år sidan tok Nordplan over drifta, og dei held no til i Hovdebygda. I tillegg har dei kontor i Ålesund og Vågå.
Bærekraft og energisparing er eitt brennheitt tema når vi no er inne i det grøne skiftet og straumprisane veks inn i himmelen. Dette gjer at kommunar, bedrifter og private heimar i større grad må tenkje nytt. Dette kan Paul Rune Ingebriktsen og dei andre tilsette ved Enøk-senteret hjelpe til med. Han seier at dei har arbeidd med bærekraft i meir enn 30 år. Enøk-senteret rettar seg inn mot verksemder og kommunar rundt om i heile landet. Når dei skal gjere vurderingar er det heile tida langsiktige perspektiv på energikostnader og miljøvinst som står i fokus.
Kan bistå alle typar verksemder med mellom anna:
Kartlegging av sparepotensiale
Hjelpe til med gjennomføring av tiltak
Måle resultat av tiltak
Miljøtårnsertifisering
Kurs
Verksemda kan halde både standariserte og skreddarsydde kurs, til dømes innan energileiing, energioppfylgjing (EOS), drift av tekniske anlegg osb. Gode opplæringsprogram for driftspersonell kan bidra med å seinke energibruken med heile 5-15 %.
Selskapet har 7 tilsette, og ønskjer no få fleire.
FV. Mariann Eik, Paul Rune Ingebriktsen, Lidvard Ytterland og Kurt Leon Breiteig. Foto: Marta Lystad
