Betre rutetilbod ved Ørsta/Volda Lufthamn.

Endeleg får vi tilbake eit rutetilbod på Hovden Lufthamn som vil gagne heile Søre Sunnmøre og nordre del av Nordfjord.

Frå 1. April vil det vere 6 direkte avgangar mellom Gardermoen – Hovden. Dette er omlag det same nivået som i 2013 då vi hadde eit trafikktal på 120.000 passasjerar.

Det direkte morgonflyet frå Gardermoen til Hovden er no tilbake, og eit frå Hovden til Gardermoen kl.13.15.

I tillegg er det auka med ei  ekstra rute på laurdagar og søndagar. Ørsta/Volda lufthamn er svært mykje nytta av næringslivet i regionen, og for desse brukarane er særskilt morgonflyet viktig i høve forretningsreiser. Generell frekvensauke i rutetilbodet ved flyplassen vil også vere meir forutsigbart og meir attraktivt å bruke.

Hovden er no attende i den nasjonale anbudsrunda for flyrutekjøp på kortbanenettet, denne går fram til 2024, noko  som sikrar kontinuiteten og ikkje minst gjev lågare billettprisar. Dette har vore eit kontinuerlig arbeid i Utviklingsforum Hovden. Denne aksjonsgruppa som er samansett av  kommune, næringsliv og offentlege institusjonar, og dei har kontinuerlig arbeidd og vil fortsette og arbeide for eit godt flytilbod ved Hovden.